Link açıqlığı

Matbuat vastaları: Qırımda 17 millionlıq «samooborona» eykelini Nazirler şurasınıñ qarşısında tikleycekler


Aqmescitte «samooborona» eykeli tiklenecek yerni belgilediler, onı Nazirler şurasınıñ binası qarşısında yerleştirecekler. Eykelniñ fiyatı 17 million rubleni teşkil etecek, dep yaza Rossiyskaya gazeta.

Neşirniñ malümatına köre, başta eykelni Karl Marks ve Puşkin soqaqlarınıñ çaprazında tikleycek ediler, lâkin soñra onı «ükümet» binasına yaqın bir yerde qoymağa qarar berdiler.

«Eykel Kirov ve Gogol soqaqlarınıñ çaprazında tiklenecek. Qurucılıq işlerine yanvar ayında başlamağa planlaştıralar», – dep ayttı «samooboronanıñ» malümat bölük yolbaşçısı Sergey Bagayev.

Eykel azırlanması ve tiklenmesi Qırım bücetinden maliye etilecek.

Aqmescit akimiyeti «Qırım halq imayesiniñ» eykelini şeer merkezinde tiklemege teklif etken edi. Eykel leyhasını cemaatqa köstermege vade etken ediler. Közetici ve ekspertler akimiyetniñ bu ğayesine menfiy qıymet keseler.

XS
SM
MD
LG