Kareliya Rusiye cumhuriyeti işğal etilgen Qırımnıñ bala bağçaları ve içtimaiy müessiseleri içün yılbaş bahşışı olaraq eki yük maşinası ile naratlarnı yollaycaq ola. Bu aqta dekabr 12 künü ükümetniñ toplaşuvına Kareliya cumhuriyetiniñ başı Aleksandr Hudilaynen bildirdi, – dep haber ete TASS.
«Bugün Kareliya Cumhuriyetinden Qırım Cumhriyetine yiberilme azırlana. Qırımnıñ bala bağçaları ve içtimaiy müessiseleri içün yılbaş bahşışı olaraq naratlarnı yollarmız. Kelecek afta yiberilme barıp çıqacaq», – dedi o.
Onıñ sözlerine köre, numayışnıñ teşebbüs çileri Kareliya sakinleri oldı. Bundan da ğayrı, Qırımğa balalarnı Yañı yıl munasebeti ile hayırlamaq içün Morozets Pakkayne kelecek.
Evel qayd etilgeni kibі, bu sene işğal etilgen Qırımda naratlarnıñ qıtlığı tahmin etile. Bundan evel Qırımğa Yañı yılğa naratlarnı qıtaiy Ukrainadan ketire ediler.
