İşğal etilgen Qırımda «prokuratura» talabı ile yerli belediye teşkilâtlarnıñ esaplarına 28 saipsiz köpür inşaatı alındı. Bu aqta dekabr 12 künü Rusiye Baş prokuraturasınıñ matbuat hızmeti bildirdi, – dep haber ete Qırımnıñ öz başına ilân etilgen akimiyetiniñ «ruporı» Krıminform saytı.
Müessiseniñ malümatına köre, prokuror teşkerüvi vaqtına Qırımda naqliyat havfsızlığı talaplarına uymağan 54 köpür inşaatı tapıldı.
«Bu vaziyet köpürlerniñ 28 saipsiz olğanı ile bağlıdır», – denile beyanatta.
Belli olğanı kibi, Aqmescit ve Aqmescit rayonı, Sudaq, Bağçasaray, Canköy rayonlarındaki köpürler esapqa alınmağan.
Qırım «prokuraturası» yerli idare organlarına işbu köpürler belediye mülki olğanı aqqında vesiqalarnı taqdim etti.
2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
