Link açıqlığı

Qırımnıñ öz başına tayin etilgen baş naziri Sergey Aksönov Rusiyeniñ Anayasa Künü «Qırımnıñ çoq milletli cemiyetiniñ birleşüvi ve aqiqat ve demokratiya zaferi» künü olğanını qayd etti. Bu aqta Qırım ükümetiniñ saytında dekabr12 künü aşkâr etilgen Aksönovnıñ işğal etilgen Qırım sakinlerine olğan muracaatında aytıla.

«Bizler içün bu bayram pek emiyetlidir. Bu kün mart 16 künü tarihiy referendumda alınğan qararımıznıñ tasdiqlavı ve serbestlikniñ temsili ola. Bu qarar esas qanunda yazılğandır»,– denile beyanatta.

Aksönovnıñ aytqanı kibi, Rusiye anayasası Qırımğa «keñ vekâlet bere, iqtisadiy, içtimaiy, gumanitar inkişafına yol aça».

«Anayasa Rusiye taqdiri içün mesülietli olğanımıznı belgiley. Esas qanunğa ne dercede diqqat ayırsaq, buña devlet mehanizmniñ işi, iqtisadiyat ve içtimaiy saanıñ alı bağlı olacaq», – dedi o.

2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG