Rusiye tarafından işğal etilgen Qırımda insan aqları boyunca vekâletli Lüdmila Lubina aytqanı kibi, Ukraina şarqiy vilâyetlerinden kelgen insanlarnıñ sayısı çoq olğanı sebebinden Qırımda işsizlik ve cinayetçilikniñ artacağı tahmin etile, – dep haber ete Qırımnıñ öz başına ilân etilgen akimiyetiniñ «ruporı» Krıminform saytı.
«Qırım Cumhuriyetinde çetel vatandaşlarına ve vatandaşlığı olmağan şahıslarğa vaqtınca bulunuv yerleri berilmey, bu kibi insanlar içün yalıñız 5000 imtiazlı yer berildi, 2015 senesi ise bu raqam 1,5 biñge azlaşacaq»,– dedi Lubina.
Onıñ fikrine binayen, qayd etüv meselesi de bar, çünki, çeşit malümatlarğa köre, şahsiy sektorda Federal migratsion hızmetinde qayd etilmegen 5000 insan yaşay, olarnıñ mında bulunuv maqsadı belgisiz.
Al-azırda, FMH malümatına binayen, vaqtınca bulunuv yerni özlerine 16 biñ 790 insan soradı.
