Link açıqlığı

Rada Rusiyege muracaatta bulunıp, Savçenko, Sentsov ve diger esirlerni azat etmege rica ete


Nadejda Savçenko

Ukraina halq deputatları Yuqarı Radanıñ Rusiye Devlet Duması ve Rusiye Federatsiyasınıñ prezidentine ukrain uçucısı ve VIII çağırılış Ukraina halq deputatı Nadejda Savçenkonıñ azat etilmesi aqqında №1095 muracaatına qoltuttılar. Buña 321 halq deputatı rey berdi, – dep haber ete RBK-Ukraina.

«Bundan ğayrı, Ukraina parlamenti Oleg Sentsov, Nikolay Andronoviç ve Rusiye Federatsiyasınıñ Ukraina istilâsı neticesinde esir alınıp Rusiyege alıp ketirilgen ve şimdige qadar anda zornen tutılğan diger adamlarnı azat etmege çağırdı», – aytıla beyanatta.

Rada Ukraina Tışqı işler nazirligine çetel devletleriniñ milliy parlamentleri, halqara teşkilâtları ve parlamentlerara assambleyalarına mezkür muracaat aqqında haber etmege ve Ukraina Yuqarı Radasınıñ reisine muracaat metnini Devlet şurası ve Rusiye prezidentine yollamağa avale etti.

33 yaşında Nadejda Savçenko – yuqarı leytenant, Ukraina Silâlı quvetleriniñ Ava küçleri ordu aviatsiyasınıñ 3-ünci ayrı polk Mi-23 vertolötiniñ şturman-operatıdır. Donbasstaki terrorizmge qarşı tedbirlerde «Aydar» batalyonı erkânında öz isteginen iştirak ete edi. Aynı vaqıtta Ukraina Silâlı Quvetleriniñ zabiti olıp qala edi. Lugansk civarında Metallist qasabası yanında uruşlarda iştirak etip, ya iyün 18-de, ya da 19-da esir alındı. İyül 8-de Savçenkonıñ Rusiyede Voronej taqiqat ceza evinde bulunması belli oldı. Rusiye akimiyeti Savçenkonıñ eki Rusiye jurnalisti İgor Kornelük ve Anton Voloşinniñ ölümine alâqası bar olğanını ayta.

XS
SM
MD
LG