Ukrainanıñ bloktan tış statusından vazgeçüv qanun leyhası parlamentte kelecek plenar aftasında baqılacaq. Bu aqqında Yuqarı Rada reisi Vladimir Groysman bildirdi. UNİAN bildirgenine köre, sessiyanıñ taqvim planına binaen, deputatlar dekabr 23-26 künleri plenar rejimde çalışacaqlar.
Vladimir Groysmannıñ qayd etkenine köre, komitetler muzakere etecek üç qanun leyhası bar.
«O, kelecek plenar aftasına kirsetilecek ve rey berüvge çıqarılacaq. Eminim, reylerniñ çoqusını qazanacaq», – dedi spiker.
Vladimir Groysman dedi ki, bu meselede parlament, prezident ve Nazirler şurası aynı fikirdeler.
Dekabr 9-da Yuqarı Rada kelecek aftanıñ kün tertibine Ukrainanıñ bloktan tış statusınıñ lâğu etilmesi aqqında üç qanun leyhasını kirsetti.
