Link açıqlığı

Ukraina devlet sıñır hızmeti: yabancılarnı Qırımğa mahsus izin vesiqalarınen kirsetecekler


Çetel adamlarını Qırımğa yalıñız izin vesiqalarınen kirsetecekler.

Bunı Ukraina Devlet sıñır hızmetiniñ qayd ve pasport işi bölüginiñ birinci zabiti Vasiliy Barabaş brifingde bildirdi, dep haber ete UNİAN.

Onıñ qayd etkenine köre, Ukrainanıñ işğal etilgen topraqlar aqqında qanunları yarımadağa kirecek olğan yabancılarnıñ Devlet migratsion hızmetiniñ mahsus izni olmasını talap ete, onıñ içün ükümet bunıñnen bağlı leyha azırlay.

Al-azırda çetel adamları qıtaiy Ukrainadan Qırımda çetel pasportlarınen keleler.

«Vaqtınca işğal etilgen territoriyağa kirmek içün mahsus izin vesiqalarını aluv tertibine belgilegen vesiqa Nazirler Şurası tarafından tasdıqlanmaq kerek. Bilgenimiz kibi, o – soñki basamaqtadır», – dedi Barabaş.

Onıñ malümatına köre, bu iş bir afta içinde bitmeli.

Mezkür yañılıq ne zaman işke tüşürilecek şimdilik belli degil.

Qıtaiy Ukraina ve yarımada arasında memuriy sıñır bar, amma asılında bu tam bir sıñır ola. Qırım vaqtınca işğal etilgen topraq olaraq ilân etildi.

XS
SM
MD
LG