Prezident Petro Poroşenko Rusiyeni Ukraina şarqında separatistlerniñ destegini toqtatmaq ve Ukraina territoriyasından Rusiye orularını çıqarmağa çağırdı, dep haber ete Azatlıq Radiosı.
O, bundan da ğayrı, Rusiyeni eki memleket arasında sıñırnı qapatmaq çağırdı ve böyleliknen bir qaç afta içinde «Ukrainada sulh ve stabillik»ke irişmek mümkün olacağını qayd etti.
Poroşenko bu aqta Avstraliya ziyareti vaqtında bildirdi. Avstraliya baş naziri Toni Ebbott memleketniñ adından «serbest Ukraina ile aqiqiy birdemligi»ni bildirdi.
Poroşenko ve Ebbott Ukraina orduları ve Rusiye tarafını tutqan separatistler arasında yañı çatışmalar yüz bergeninden soñra körüştiler. Kiyev, boyevikler ateş açmasını toqtatmağance, tınç muzakerelerni keçirmege razı degil.
Moskva Ukraina şarqındaki adiselerge öz alâqasını red ete.
