Link açıqlığı

Qırım yarımadası Ukraina nezareti altına qaytacaq.

Bu aqta, Yuqarı Şurada ükümetniñ faaliyeti leyhasını taqdim etip, Ukraina baş naziri Arseniy Yatsenük bildirdi.

«Donetsk ve Lugansk Ukraina topraqları ola, Qırım da Ukraina terrtoriyası olur», – dedi o ukrain devletniñ sıñırları ve Divar leyhası aqta söz yürsetken vaqıtta.

«Donatılğan sıñırları olmağan devlet toprağını qorçalap olamaz. Biz, ne territorist, ne ücretli askerler keçmesin dep, Ukraina ve Rusiye arasında sıñırnı qurmalımız, Ukraina er keske: bu bizim toprağımız, dep aytmaq kerek. Sıñır qurulacaq», – dedi baş nazir.

Cumaaqşamı künü, dekabr 11-de, Arseniy Yatsenük Şurağa ukrain akimiyetiniñ faaliyeti leyhasını taqdim etti. Bu programma tasdiqlanılsa, Nazirler Kabinetine bir yıl devamında istifa telükesi olmamaq kerek.

2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar

XS
SM
MD
LG