Saba, dekabr 11 künü, Keriç parom keçitiniñ yük yolağında nevbette 400-den ziyade maşina tura.
Bu aqta Yekâne naqliyat müdirliginiñ matbuat hızmeti bildire.
Soñki malümatqa köre, «Kavkaz» limanında nevbette 5 yengil ve 70 yük maşinası, «Krım» limanında – 5 yengil ve 10 yük maşinası tura.
Yük yolağında nevbette: «Novorossiysk» limanında – 58 maşina, Slavânsk-na-Kubani – 110 yük maşinası, Keriç ava limanında – 156 avto tura.
«Şimdilik Keriç keçitinde yel suratı 15m/s. «İonas», «Olimpiada», «Glükofilousa», «Krım» ve «Nikolay Aksenenko» paromları qatnay, – deyler müdirlikte.
Müessiyeniñ malümatına köre, soñki kün devamında 1343 maşina ve 3873 yolcu avuştırıldı.
Çarşene künü, dekabr 10-da, Keriç keçitiniñ yolcu ve yük yolağında 600 maşina nevbette tura edi.
