Lvovda hristian-musulman dialogına ve işğal etilgen Qırımdan köçip kelgen musulmanlarnıñ meselelerine bağışlanğan dinlerara tögerek masası keçirildi.
Bu aqta qırımtatarlarnıñ meselelri boyunca Ukraina prezidenti yanında vekâletli Mustafa Cemilevniñ matbuat hızmeti bildirdi. Tedbirge ve müim meselelerniñ muzakeresine Qırımtatar Milily Meclis vekilleri de qoşulacaq.
«Bu kibi tedbirler dialognıñ pekitilmesine ve vatandaşlıq cemiyetiniñ muvafaqiyetli inkişafına yol berecek», – deyler müessisede.
Evel Meclis reisi Refat Çubarov qayd etkeni kibi, işğal etilgen Qırımdan tahminen 20 biñ insan çıqtı, olardan 8 biñ – qırımtatarları.
Lvovda «Qırımtatarlar kimlerdir?» lektsiyalarnıñ çerçivesinde muzakereler keçirile. Lektsiya maqsadı – Lviv sakinlerini ve şeer musafirlerini qırımtatar halqınıñ tarihı, dini, medeniyeti ile tanış etmege ve medeniyetlerara dialogına yol açmaqtır.
