İşğal etilgen Aqmescitte «bir saatte» yapılacaqRusiye pasportı içün vesiqalarnıñ resmiyleştirüv noqtasında nevbet yılnıñ soñuna qadar yazılğandır. Bu aqta Qırımnıñ öz başına tayin etilgen akimiyetiniñ «ruporı» Krıminform saytı bildirdi.
Aqmescitlilerniñ aytqanı kibi, al-azırda Kiyevskaya, 139 adresi boyunca yerleşken pasportnıñ «bir saatte» resmiyleştirüv noqtasında bu kibi protseduranı qullanmağa istegenlerniñ sayısı çoq olğanı sebebinden yazıluv toqtatıldı.
Neşirniñ qayd etkeni kibi, Aqmescit bu leyhağa avgustnıñ 21 künü qoşuldı.
2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
