Qırımtatar Milliy Meclisi dekabr 10 künü keçirilgen toplaşuvında Halqara insan aqları Künü munasebeti ile qarar aldı, – dep haber ete Qırım.Aqiqat mühbiri.
«Qırımda akimiyet soñki yılları devamında BMT Baş Assambleya tarafından ilân etilgen ve dekabr 10-а – İnsan aqlarınıñ umumiy deklaratsiyasınıñ qabul etilüv kününe kelgen Halqara insan aqları Künü munasebeti ile kütleviy tedbirlerniñ keçirilmesi ilk sefer yasaq etildi», – denile bildirüvniñ metninde.
Mında qayd etilgeni kibi, Qırımda insan aqları ile yüz bergen vaziyetke köre, Meclis işbu saаda vatandaşlarnıñ faalleştirilüvi boyunca qarar aldı.
«Qırımtatar Milily Meclisi BMT Baş kâtibi Pan Gi Munnıñ Halqara insan aqları Künü munasebeti ile aşkâr etken bildirüvine qol tuta. İşbu bildirüvge köre, insan aqları ile bağlı bütün mesüliet devlet ve akimiyetke yüklenile», – dep qayd eteler bildirüvniñ müellifleri.
Neticede qırımtatar halqınıñ temsiliy organı vatandaşlarnı Halqara insan aqları Künü munasebeti ile hayırladı ve er kesni «Qırımda insan aqlarını ve qırımtatar halqınıñ aqlarını kefil etken şaraitlerniñ peyda etilmesine isse qoşmağa» çağırdı.
Qırımtatar falleri devlet akimiyet organları tarafından vatandaşlarnıñ anayasa uquqlarınıñ bozuluvına qarşılığını köstermek maqsadı ile dekabr 10 kününe planlaştırılğan mitingniñ keçirilmesinden vazgeçtiler ve numayışqa akimiyetniñ resmiy iznini talap etmege tırışacaqlar.
Matbuat konferentsiyası qırımtatar faallerine Halqara insan aqları Kününe bağışlanğan tedbirlerni keçirmege yasaq etilgeni ile bağlı.
Çarşenbe sabasında Aqmescit merkezi OMON ve «halq imayesi» vekilleri tarafından sarıp alındı, metallodetekorlar pekitildi.
