Link açıqlığı

Qırım «Devlet şurаsı» birinci oquvda Aqmescitke qırım paytahtı statusını bermege teklif etken qanun leyhasını qabul etti.

Bu qara Qırım «parlamenti» toplaşuvında dekabr 10 künü alındı. Oña zalda bulunğan 67 deputattan 66 qol tuttı, dep haber ete Qırım.Aqiqat mühbiri.

Vesiqanı taqdim etiз, qanunlar sualleri boyunca qırım «Devlet şurası» komitetiniñ başı Yefim Fiks aytqanı kibi, Qırımnıñ memuriy merkezi içün böyle status onıñ rolüni küçleştirir ve yerli idare organlaırnıñ devlet akimiyet organları ile munasebet hususiyetlerini, iqtisadiyat meselelerini tertipleştirir.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG