Link açıqlığı

Ukraina Rusiye ile demir yol alâqalarını lâğu etmeycek


Rusiye ile demir yol alâqaları devam etecek: qışta Ukraina ve Rusiye arasında 20 tren yürecek, olardan 19 Ukraina demir yoluna ait ve bir danesi Rusiye demir yoluna mensüptir. Bunı dekabr 9-da Ukrzaliznıtsâ müessisesiniñ uzaqqa qatnağan yolcu trenler departamentiniñ reberi İgor Breus bildirdi.

Ükümet portalınıñ malümatına köre, dekabr 14-ten itibaren Rusiye demir yolu Ukrainada yürgen yalıñız dört trenni lâğu etecek.

«Bular №59/60 Moskva – Sofiya, №15/16 Moskva – Budapeşt, №33/34 Moskva – Odessa, №2/1 Kiyev – Moskva trenleri. Soñkisi eki künde bir kere qatnap, Cenübiy-Ğarbiy demir yolu tarafından şekillendirilecek», – dedi İgor Breus.

Ukrzaliznıtsâ müessisesiniñ uzaqqa qatnağan yolcu trenler departamentiniñ reberi bildirdi ki, SNG demir yol memuriyetleri tizgen tren cedveli 2015 senesinden itibaren dekabr ayınıñ ekinci bazar künü işke tüşürilecek.

Rusiye Federal yolcu şirketi 2014 senesi dekabr 14-ten itibaren bazı memleketler, şu cümleden Ukraina ile, öz trenleriniñ qatnamasını bir yılğa toqtata.

Azerbaycan, Ukraina, Qazahistan ve Tacikistan demir yol alâqaları aqqında söz yürsetile.

XS
SM
MD
LG