Link açıqlığı

Rusiye taqiqat komiteti Estoniyada oturuv izni olğan Leningrad vilâyetiniñ sakinine qarşı cinaiy iş açtı, dep haber ete Azatlıq Radiosı.

Adı aydınlatılmağan rusiyelini FSB hadimleri bu sene oktâbr ayında Rusiyeden çıqqan vaqıtta yaqaladılar. Onı ya eki yüz biñlik para cezası, ya da dört yüz saatlik cemaat işleri bekley.

Aqımdaki sene avgust ayında Rusiyede ekinci vatandaşlıq ya da diger memlekette oturuv izni aqqında Federal migratsion hızmetine haber etilecegi aqqında qanun işke tüşürildi. Mezkür cinaiy iş bu saada ilk sefer açıldı.

Migratsion hızmetiniñ malümatına köre, qanun işke tüşürilgen soñ yarım milliondan ziyade Rusiye vatandaşı eki vatandaşlığı olğanını bildirdi.

XS
SM
MD
LG