Link açıqlığı

Saatnıñ esas haberi

«Krımpoçta» müessisesini yoq etmege qarar berdiler


Qırımnıñ «Nazirler şurası» Qırım cumhuriyetiniñ «Krımpoçta» poçta bağ müessisesini yoq etmege qarar aldı.

Böyle bir qarar salı künü, dekabr 9-da, Keriçte Qırım «ükümetiniñ» çıqış toplaşuvında qabul etildi, dep haber ete Qırım.Aqiqat mühbiri.

«Bizde «Rusiye poçtası» müessisesi hızmet ete. Bizler bu vekâletni «Rusiye poçtasına» berdik, bu sebepten «Krımpoçta» işini toqtatmağa başlaymız», – dep ayttı Qırım «baş nazir muavini», malümat ve bağ «naziri» Dmitriy Polonskiy.

Qırımnıñ daa bir «baş nazir muavini» Yevgeniya Bavıkina qayd etti ki, müessiseniñ bir çoq yahşı binası bar, olarnı iş merkezleri olaraq qullanmaq mümkün.

«Al-azırda berilgen mal-mülk cedveli azırlandı. Bizler nazir Nikiforov (Rusiye bağ naziri – muarrir) añlaştık ki, yalıñız poçta hızmetlerini köstergen binalarnı berecekmiz», – dedi Polonskiy.

Onıñ aytqanına köre, «Krımpoçta» müessisesiniñ diger bina ve inşaatları cumhuriyet mal-mülkinde qala.

«Krımpoçta» müessisesi Rusiyeniñ Qırım işğalinden soñ aprel ayında meydanğa ketirilgen edi. Rusiye Federatsiyasınıñ baş naziri Dmitriy Medvedevniñ qararına binaen, «Krımpoçta» işbirlik añlaşması esasında «Rusiye poçtası» ile çalışmalı ve «Ukrpoçtağa» ait olğan 553 poçta bölügi ve 221 naqliyat vastasını qullanmalı.

XS
SM
MD
LG