Qırım musulmanları diniy idaresi Qırımda medeniy asabalığınıñ qoruvı boyunca «Devlet komitetni» ve Eski Qırım şeer akimiyetini eski musulman mezarlığında borularnıñ qoyulmasını toqtatmağa rica ete.
Bunı QMDİ matbuat hızmeti bildire.
«Dekabr 8 künü, «Vetan» Eski Qırım musulman diniy toplulığınıñ daveti ile mezarlıq tapılğan yerge uquq qoruyıcı organları ve şeer akimiyetiniñ temsilcileri keldi. Politsiya hadimleri neticede protokolnı tizdi», – deyler matbuat hızmetinde.
Evel QMDİ bildirgeni kibi, XIII-XIV asırğa ait olğan baştaşlarnıñ qısımları ve insan suyekleri Eski Qırım yanında yerleşken «Kemal-ata» obasında tapılğan. Müftiyat yolbaşçılığı bu işke atiqiyatçılarnı celp etmege istey. Bundan soñra naaşnı ğayrıdan kömmege planlaştıralar.
