Link açıqlığı

İşğal etilgen Qırımnıñ «baş naziri» Sergey Aksönov 2015 senesini Ulu Vatan Cenki veteranınıñ yılı olaraq ilân etti.

Bu aqta Qırım «baş nazir muavini» ve «Nazirler şurası» apparatınıñ yolbaşçısı Larisa Opanasük salı künü, dekabr 9-da, Qırım akimiyetiniñ Keriçte keçirilgen toplaşuvında bildirdi, dep haber ete Qırım.Aqiqat mühbiri.

Opanasük aytqanı kibi, Aksönov Qırımda Ulu Vatan Cenkinde Ğalebeniñ 70 yıllığı munasebeti ile keçirilecek tedbirler aqqında «avale»ni imzaladı.

«Tedbirlerniñ esas noqtalarından biri «Askerni tapmaq» tedbirniñ amelge keçirilmesidir. Bundan da ğayrı, maliye yardımnıñ kösterilüvi de nazarğa alına, şu cümleden, Ğalebe Kününe bir kerelik nefaqanıñ berilmesi, bunıñ ile 1900 biñ ruble miqdarında yardımnıñ da olması mümkün», – dedi Opanasük.

Onıñ aytqanına köre, Ulu Vatan cenkiniñ saqatları içün içtimaiy-tibbiy yardım hızmetleriniñ ödenilmesi, mudafaa iştirakçilerniñ taqdirlenüvi, Qırımnıñ azat etilmesi, partizanlarğa mukâfatlarnıñ berilmesi, saqatlarğa tamir masrafalarnıñ tölenilmesi, arbiy mezarlıqlarnıñ tertipke ketirilmesi ile bağlı er aylıq ödevler olacaqtır.

«Nazirler şurası» bergen malümatına köre, Ğalebe Kününe cenk veteranları ve natsist taqiplerniñ qurbanlarına ödenilecek bir kerelik nefaqağa 133 million ruble masraf etilecek.

XS
SM
MD
LG