Link açıqlığı

Saatnıñ esas haberi

İşğal etilgen Qırımda medeniyet universitetini yoq etecek


Qırım «nazirler şurası» Qırım medeniyet, sanat ve turizm universitetiniñ yoq etilmesi boyunca qararnı aldı, dep bildire Krım Media agentligi.

Neşirge aliy oquv yurtunıñ rektorı Оleg Gabriyelân bildirgeni kibi, eski universitetniñ yerinde aynı serlevası olacaq yañı soyunı teşkil etecektirler. Faqat, dedi rektor, halefet ğayıp etilir, litsenziyalar alınır ve studentlerniñ avuştıruvı ile bağlı meselesi peyda ola bilir.

«Yañı aliy oquv yurtunıñ teşkil etilmesi federal organlarnıñ vazifesi ola. Onı Nazirler şurası teşkil etip olamaz. Adını deñiştirmege ya da onı ğayrıdan qayd etmek mümkün edi, amma akimiyet radikal bir yolnu seçti – yoq etmek. Biz, belki de, yañı aliy oquv yurtunı teşkil ete bilirmiz, amma er şeyni coyarmız», – dedi Gabriyelân.

Aliy oquv yurtunıñ yolbaşçılığı bu meseleni Qırım «Devlet şurası» profil kömetitleriniñ toplaşuvlarında köterecek ola.

XS
SM
MD
LG