Lvivde «Qırımtatarlar kimlerdir?» interaktiv lektsiyalar çerçivesinde qırımtatar faalli ve jurnalistlerge bağışlanğan lektsiya keçecek. Lektsiyanı «Ukrainskaya pravda» saytınıñ baş muarriri, qırımlı, Sevgil Musayeva-Borovik keçirecek.
Bunı Qırım.Aqiqat saytına tedbir teşkilâtçıları – Krım SOS cemaat teşkilâtı ve Ukrainada Avropa Şurasınıñ Ofisidir.
Lektsiyanıñ mevzusı – «Qırımtatarlarnıñ içtimaiy-siyasiy ketişatları: tünevin, bugün ve yarın».
«Sevgil Musayeva-Borovik qırımtatarlar faalli ve jurnalistlerniñ teşebbüsleri, yarımada vaziyeti, qırımtatar toplulığınıñ keyfi aqqında tarif etecek», – deyler tedbir teşkilâtçıları.
Tedbir cumaertesi künü, dekabr 6-da, yerli vaqıtqa köre saat 14:00 Mulârska soqağı, 2A adresi boyunca yerleşken İlk Lvov kütüphane binasında keçecek.
Qırımnıñ işğalinden soñ Lvov vilâyetine tahminen bir buçuq bin qırımtatarı köçip keldi. Lektsiyalarnıñ maqsadı – Lvov sakinlerini ve şeer musafirlerini qırımtatar halqınıñ tarih ve dini ile tanıştırmağa, medeniyetlerara dialognıñ peyda olmasına yol bermektir.
Leyha çerçivesinde qırımtatar halqınıñ adetleri ve muzıkalı medeniyeti, dini aqqında lektsiyalar keçti.
