Brükselde Avroparlamentte «Ukraina – avropa birdemligi içün bir sınav olaraq» serlevalı konferentsiya keçecek. Mında qırımtatarlarnıñ yetekçileri çıqışta bulunacaqlar, dep bildire Avropa birligi yanında Ukraina eyyetiniñ matbuat hızmeti.
Konferentsiya teşkilâtçıları Bronislav Geremek leh Fondu, Avropa parlamentiniñ ayırı deputatları, Leh-litvan cemaat-siyasiy Forumı olalar.
Konferentsiyada çıqışta bulunacaqlar arasında – Avropa parlamentiniñ prezidenti Martin Schulz, AP deputatları Elmar Brok ve Rebekka Harms, Ukraina halq deputatları İrina Geraşçenko, Mustafa Nayyem, qırımtatar halqınıñ yetekçileri Mustafa Cemilev ve Refat Çubarov, Avropa birligi siyasiy merkezlerniñ temsilcileri, Ukraina, Rusiye, Poloniya, Litvaniya, Almaniya göñülli areketleriniñ, ukrain ve çetel matbuat vastalarınıñ temsilcileri.
