Link açıqlığı

Ukrtelekom qırımdaki ofisinde keçirilgen tintüv aqqında: şirket, er daim kibi, uquqiy alan çerçivesinde çalışa


AO «Ukrtelekom» Qırımda daima olğanı kibi çalışmağa devam ete. Şirket qanuniyetniñ bütün talaplarını eda etip, öz areketini yalıñız uquqiy alanda keçire.

Şirkette Qırım.Aqiqat saytına bu kibi izaatnı dekabr 8 künü Ukrtelekomnıñ qırımdaki ofisine etilgen tintüv ve terroristik teşkilâtlarğa etilgen maliyeviy destegi boyunca qırım akimiyetiniñ qabaatı aqqında olğan soravğa berdiler.

Şirkette şunı qayd ettiler ki, operator «Qırım yarımadasında bağ hızmetini bermege devam ete, şu sıradan Aqyar istisna ola, mında şirketniñ vastaları yerli akimiyet tarafından zapt etildi».

«Operator vaziyetniñ ilerilemesini nezaret ete ve peyda olayatqan meselelerniñ qanuniy çezilüv yollarını qıdırmağa çalışa», – deyler Ukrtelekomda

Bazarertesi künü, dekabr 8-de, «prokuraturanıñ» matbuat hızmeti «aktsionerler cemiyetlerinden biri (telefon operatorı) Rusiyede esktremistik olaraq tanılğan silâlı birleşmelerni maliye etkeni» sebebinden cinaiy iş açılması aqqında haber etti. Mında Ukraina Milliy gvardiyası aqqında söz yürütile.

Aynı şu künü Aqmecitte yerleşken Ukrtelekomnıñ ofisinde tintüv keçirildi.

Bundan soñ Qırımıñ öz başına tayin etilgen baş naziri Sergey Aksönov aytqanı kibi, eger de şirketniñ Milliy gvardiyağa etilgen destegi tasdiqlanılsa, onıñ Qırımdaki faaliyeti toqtatıla bile.

XS
SM
MD
LG