Link açıqlığı

Qırımda «Qırımtatar gençler komiteti» meydanğa ketirildi.

Bunı Aqmescitteki matbuat konferentsiyasında «Milletlerara munasebetler ve sürgün olunğan grajdanlarnıñ işleri boyunca devlet komitetiniñ» reisi Zaur Smirnovnıñ oğlu olğan teşkilât reisi Aslan Smirnov bildirdi, dep haber ete Krım Media.

«Bizler nizam faaliyetimizge köre qırımtatar ve diger millet gençleriniñ vekillerini birleştirecek teşkilâtnı qurmağa qarar aldıq. Maqsadımız – Rusiye ve onıñ tışında yaşağan vatandaşlar aqlarını qorumaq, içtimaiy yardım köstermek, qırımtatar halqınıñ medeniyeti, ananeleri, dini, tarihını ğayrıdan tiklemektir», – dep ayttı Aslan Smirnov.

«Qırımtatar gençler komitetiniñ» diger vekili Nariman Osmanov şunı qayd etti ki, teşkilât gençlerniñ cemaat faaliyetini arttıracaq programmalar, eali arasında malümat faaliyeti, gençler arasında sağlam ayat müimliginiñ yetkizmesi ve müim meselelerniñ çezilmesine gençlerniñ celp etilmesinen oğraşacaq.

«Qırımtatar gençler komitetiniñ» reberleri bergen malümatına köre, bugünde-bugün teşkilât erkânında 200 insan bar. İleride Qırımnıñ er bir şeerinde bunıñ kibi teşkilâtlarnı qurmağa planlaştırıla.

Bundan evel Qırımda Rusiyege qoltutqan ve Mecliske muhalifet olaraq tanıtılğan bir sıra qırımtatar teşkilâtı meydanğa ketirildi. Olardan biri – «Qırım» cemaat areketi, «Devlet şurasınıñ» reis muavini Remzi İlyasov onıñ reisi ola, ekincisi – «Qırım birligi», onıñ reisi ise Qırımtatar Milliy Qurultay saylavlarını keçirecek olğan Seytumer Nimetullayev ola.

XS
SM
MD
LG