Link açıqlığı

Saatnıñ esas haberi

Kiyevde ekspertler «Qırımnı qaytaruv strategiyasını» taqdim etecekler


Salı künü, dekabr 9-da, Kiyevde «Qırımnı qaytaruv strategiyasınıñ» taqdim merasimi ötkerilecek. Onı «Maydan inostrannıh del» ekspertleri keçirecek.

Tedbir teşkilâtçıları Qırım.Aqiqatqa bergen malümatına köre, strategiyanı «Maydan inostrannıh del» ekspertleri ve cemaat vekilleri azırladılar.

Tedbirde bunıñ kibi sualler aydınlatılacaq: Qırımnı qaytaruv strategiyası nege kerek? Qırım Ukrainasız yaşarmı? İşğal etilgen yarımadanıñ Ukrainağa qaytması içün ne yapmalı? Qırımnı kim qaytaracaq?

Strategiyanı saat 12:00 saat 13:20 qadar Trehsvâtitelskaya soq., 13 adresi boyunca «Maydan inostrannıh del» ofisinde taqdim etecekler.

«Maydan inostrannıh del» hayriye fondu Ukraina diplomatlarınıñ teşebbüsi ile 2014 senesi yanvar ayında meydanğa ketirilgen edi. Fond idaresiniñ reisi 1-inci sınıf fevqulâde ve vekâletli elçi, Ukrainanıñ İstanbuldaki baş konsulı ve Qara deñiz İqtisadiyat İşbirligi Teşkilâtında Ukraina vekili (2010-2013 seneleri) Bogdan Yaremenko ola.

Fondnıñ Nezaret şurasına Tavriya regional inkişaf institutınıñ müdiri Andrey Klimenko, halqara jurnalist, «Zerkalo nedeli» közeticisi Tatyana Silina, «Ukraina saylayıcılar komitetiniñ» yolbaşçısı Aleksandr Çernenko kireler.

XS
SM
MD
LG