Qırımtatar Milliy Meclis reisi Refat Çubarov ve qırımtatarlarnıñ milliy lideri Mustafa Cemilev Brüsselge yol alıp, Avropa parlamentiniñ işine qoşulacaqlar.
Bunı Refat Çubarov Facebook saifesinde bildirdi.
«Dekabr 8, 9, 10 künleri – Avropa parlamentinde (Brüssel) iş. Mustafa ağanen beraber keldik. Avropa halq firqası ile beraber azırlağanımız (Avropa parlamentiniñ eñ büyük fraktsiyası) büyük bir programma...», – dep yazdı Çubarov.
Bundan evel qırımtatarlarnıñ liderleri OSCE tışqı işler nazirleriniñ er yıllıq körüşüvinde iştirak etken ediler. Tedbir dekabr 4-5 künleri Baselde (İsviçre) olıp keçti.
