Link açıqlığı

Qırımlılar ruble ucuzlaşqanını körip, aşıqa-aşıqa dollarnı satın alalar


İşğal etilgen Qırımda raatlıq künlerinden soñ Rusiye rublesiniñ fiyatı ep ucuzlaşa, yarımada sakinleri ise aşıqa-aşıqa çetel paranı satın ala.

Bazarertesi künü, dekabr 8-de, Aqmescitte Amerika parası 53.50 rubleden satıla ve 53.80 rubleden satın alına.

Aqmescitniñ Merkeziy bazarındaki paranı bozduruv noqtalarınıñ birinde Qırım.Aqiqat mühbirine bergen malümatqa köre, raatlıq künleri kurs biraz eksildi, çünki Merkeziy bank bazarğa çetel para bergen edi, lâkin bu da para olmadı. Bazarertesi künü ruble kene de ucuzlaşmağa başladı.

«Lâkin adamlarnı bu toqtatmay, raatlıq künleri ve bazarertesi sabasından itibaren cemaat dollarnı qıdıra, er angi fiyattan almağa azır», – dedi para bozduruv noqtasınıñ hadimi.

Amerika parası 53 ruble seviyesinden keçti, yevro ise 65,55 rubleni teşkil etti.

XS
SM
MD
LG