Link açıqlığı

Dekabr 8-de saba Aqmescitteki «Ukrtelekom» şirketiniñ ofisinde tintüv keçirildi, dep haber ete Qırımnıñ öz başına ilân etilgen akimiyet ruporı Krıminform saytı.

Şaatlarnıñ aytqanına köre, uquq qoruyıcı organlarnıñ hadimleri saba «Ukrtelekom» binasına kirip, anda bayağı vaqıt bulundılar.

Bazarertesi künü, dekabr 8-de, «prokuraturanıñ» matbuat hızmeti «aktsionerler cemiyetlerinden biri (telefon operatorı) Rusiyede esktremistik olaraq tanılğan silâlı birleşmelerni maliye etkeni» sebebinden cinaiy iş açılması aqqında haber etti. Mında Ukraina Milliy gvardiyası aqqında söz yürütile.

XS
SM
MD
LG