Link açıqlığı

Ukraina Nazirler şurası işğal etilgen Qırım meselelerinen oğraşacaq baş nazir muavinleri vazifesine namzetlerni ve olarnıñ işini belgiledi.

Ukraina ükümetiniñ matbuat hızmeti bildirdi ki, Qırım meselesini regional inkişaf, qurucılıq ve mesken-kommunal hocalıq naziri Gennadiy Zubko baqacaq.

«O, terrorizmge qarşı tedbirler devamında Donetsk ve Lugansk vilâyetlerinde sanayı, içtimaiy ve naqliyat infrastrukturası, mesken fond obyektleriniñ ğayrıdan tiklenmesi, em de Qırım Muhtar Cumhuriyeti ve Aqyar şeeriniñ meselelerinen oğraşacaq», – dep aytıla matbuat hızmetiniñ beyanatında.

47 yaşında Gennadiy Zubko Jitomir şeer şurasınıñ deputatı olğan edi, 2010-2012 seneleri Jitomir vilâyet şurasında Arseniy Yatsenükniñ «Front zmin» fraktsiyasında yolbaşçılıq etken edi. 2012 senesi dekabr 12-den itibaren – VII çağırılış Ukraina yuqarı radasınıñ «Batkivşçina» Bütünukrain birleşmesiniñ halq deputatı, Yuqarı Radanıñ qurucılıq, şeer qurucılığı ve mesken-kommunal hocalıq ve regional siyaset Komitetiniñ reis muavini. 2014 senesi iyün 10-dan dekabr 2-ne qadar Ukraina prezidenti memuriyeti reisiniñ birinci muavini olğan edi.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG