Qırım «prokuraturası» teşkerüv keçirip, ekstremistik faaliyet, şu cümleden, Ukraina Milliy gvardiyasını maliye etüv aqqında cinaiy iş açtı.
Bunı onıñ matbuat hızmeti bildire.
Berilgen malümatqa köre, aktsionerler cemiyetlerinden biri (telefon operatorı) Rusiyede esktremistik olaraq tanılğan Ukraina milliy gvardiyasınıñ erkânındaki silâlı birleşmelerge para bere edi.
«Prokuratura» beyanatında aytıla ki, şirket yolbaşçıları avgust ayından itibaren hadimlerden soramayıp, olarnıñ aylıqlarından «arbiy bergi» ala ediler. Umumen aman-aman 1 million ruble alındı.
«Prokuratura teşkerüviniñ malümatı Qırım Cumhuriyeti ve Aqyar boyunca Rusiye FSB idaresine cinaiy taqiqat teşkil etilmesi içün yollanıldı. Olarnıñ teşkerüvi neticesinde RF Cinaiy kodeksiniñ 282-nci maddesi 2-nci qısmı boyunca (iş yerinde ekstremistik faaliyetni maliye etüv) cinaiy iş açıldı», – aytıla beyanatta.
Qırım «prokurorı» Natalya Poklonskaya iş taqiqatını nezaret altına aldı.
