Link açıqlığı

Qırımda yol qazası neticesinde bala elâk oldı


Bağçaray rayonında üç maşinanıñ çatışması neticesinle erkek ve bir yaşındaki bala elâk oldı.

Bu aqta Qırımda GİBDD idaresiniñ matbuat hızmeti bildire.

Qaza bazar künü Aqmescit-Bağçasaray-Aqyar yolunda Topoli köyüniñ yanında yüz berdi

Müessiseniñ malümatına köre, VAZ 2109 maşinanıñ aydavcısı Aqmescitke taba ketkende qarşı yolaqqa çıqtı, mında Volkswagen Tiguan maşinası ile çatıştı. Dümen başında 41 yaşındaki aydavcı edi. Soñra bu maşinağa Mitsubishi Lancer kelip toquştı. Soñkisini 40 yaşında olğan aydavcı idare ete edi.

Qaza neticesinde Jiguli maşinasınıñ aydavcısı ve bir yaşındaki balaçıq elâk oldılar. Aynı bu maşinada olğan üç yaşındaki balada miy sarsıntısı, san sınığı ve diger yaralar peyda oldı. Bu maşinanıñ 27 yaşında olğan yolcunıñ açıq qava-dimağ yarası, san sınığı ve diger yaralar qayd etildi.

XS
SM
MD
LG