Link açıqlığı

Tarih ve mimarcılıq abidesi olğan Han saraynıñ UNESCO bütün dünya asabalıq cedveline kirsetilüvi boyunca sualniñ muzakeresi belgisiz müddetke toqtatıldı.

Bu aqta Bağçasaray tarihiy-medeniy qoruğınıñ müdiresi Elmira Ablâlimova bildirdi, dep haber ete Qırım.Aqiqat mühbiri.

«UNESCO rus temsilciligine muracaat-mektüpni yolladıq. Bizge al-azırda bu mesele baqılmaycağını bildirdiler», – dedi müdire.

Bağçasaray medeniy-tarihiy qoruğı 2011 senesi küzde UNESCO Bütün dünya asabalığı cedveline kirmek içün arizanı yollağan edi. Ba arizanı 2003 senesi azırlamağa başlağan ediler.

Bağçasaray tarihiy-medeniy qoruğınıñ yolbaşçılığı Han saraynıñ UNESCO Bütün dünya asabalığı cedveline 2014 senesi yaz-küz mevsiminde kirecegine ümüt besley edi.

XS
SM
MD
LG