Rusiye tarafından Qırım işğalinden başlap yarımadanıñ eñ büyük limanı olğan Aqyar limanında yük taşuvı 9 qat eskildi. Bunıñ ile Ukraina qırım limanlarnıñ ğayıp etilmesine diqqat etmeyip, Odessa ve Nikolayev vilâyetlerinde limanlarnıñ çalışqanını arttı.
Bu aqta Ukraїnskiy tijden neşirinde basılğan maqalede mütehassıs Aleksandr Kramar bildirdi.
«2014 senesi yanvar-oktâbr ayları Ukraina nezareti altında olğаn limanlardan yükniñ 83,3 mln tonnası avuştırıldı, 2013 senesinde 77,5 mln tonna edi. Yani Ukraina qırım limanlarnıñ ğayıp etilmesini körmeyip, Odessa ve Nikolayev vilâyetleriniñ yük taşuvını arttırdı», – dey Kramar.
Bunıñ ile kirsetilgen sıñırlavlar neticesinde Qırım limanları mahsulatnı yalıñız Rusiyeden ya da cezalardan qorqmağan memleketlerden qabul ete bile.
«Qırım limanlarınıñ işi toqtatıldı. Misal içün, Aqyarda eñ büyük liman 2014 senesi birinci kvartalında olğan 1,78 mln tonna yük taşuvını ekinci kvartalda 0,2 mln tonnağa eksiltti», – dey mütehassıs
İyül 16-dan Ukraina akimiyeti qırım limanlarnıñ işletüvini resmiy şekilde toqtattı Ve çetel gemileri içün Yalta, Keriç, Aqyar, Kefe ve Kezlev ticariy limanlarına kirmege yasaq etti.
