Qırımda sputnik teleyayınlavnı işletmek içün Ukraina devletiniñ imkâniyeti yoqtır, dep bildirdi «baş nazir muavini» ve Qırımnıñ içki siyaset ve bağ «naziri» Dmitriy Polonskiy.
Bunı qırım «akimiyet»niñ matbuat hızmeti bildire.
«Kiyev akimiyetinde çeşit istekleri ola bile, amma imkâniyeti iç te yoqtır. Bugün Ukraina pek fuqare bir devlettir. İnsanlar suvuqta otura, nefaqalarnı ödemege aqça yoq, memlekette vatandaşlıq cenki kete. Para vastaları memlekette, iqtisadiyatta tertip-nizamnı pekitmek içün masraf etilmeli, soñra ise sputnikniñ işletilmesi olmalı»,– dedi Polonskiy. Soñra «Qırımğa ukrain teşviqatı havlı olmağanını» bildirdi.
Evelleri Ukraina İçki işler nazirligi başınıñ muavini Anton Geraşçekno informatsion siyaset nazirligi işğal etilgen Qırımda Ukraina vaziyeti aqqında aqiqatnı tarqatmaq maqsadınen yarımdada sputnik teleyayınlavnıñ işletilmesi üzerinde çalışqanını bildirdi. Onıñ sözlerine köre, akimiyet terrorizmge qarşı ameliyatnıñ keçirilüv zonasında ukrain kanallarnıñ yayınlavını da pekitmege tırışacaq.
