İşğal etilgen Qırımda Keriç keçiti işine devam etti. Bazar künü, dekabr 7-de, Yekâne transport müdirliginiñ matbuat hızmeti bergen malümatına köre, paromlarnıñ işini toqtatqan ruzgâr bazar künü saba toqtaldı.
«Al-azırda parom ağı çalışa, «Glükofilousa», «Krım», «İonas» ve «Olimpiada» paromları çalışa», – dep bildirdi Yekâne transport müdirligi.
Berilgen malümatqa köre, dekabr 7-de saba yel süratı saniyede 11 metrni teşkil ete.
Nevbetçiniñ aytqanına köre, «Kavkaz», «Krım», «Novorossiysk», Slavânsk-na Kuban ve Keriç ava limanında tahminen 20 yengil maşina ve biñden ziyade yük maşinası tura.
Dekabr 6-da aqşam Keriç parom keçitiniñ işi ava bozulğanından sebep toqtatılğan edi.
