Qırımlılar ukrain yarımadası Rusiye tarafından işğal etilgen soñ Rusiyede yaşamaq Rusiye telekanalları köstergeni kibi o qadar qolay olmağanınıñ farqına bardılar. Er şey paalılaştı. Er yerde nevbet. Akimiyette de Yanukoviç zamanında olğan memurlar qaldı. Yalıñız firqa biletlerini deñiştirdiler.
Bir farq bar – artıq narazılıq bildirmek ve kendi noqtaiy nazarını seslendirmek yasaqtır. Em de vadeler ve farqlı qanunlarnıñ sayısı arttı. Yarımadada Ukraina ve Rusiye qanunları çalışa. Ekisine de riayet etmegen olsañ, ceza alacaqsıñ. Qırımnıñ öz başına ilân etilgen akimiyeti buña «keçici devir» dey.
Soñsuz «keçici devir» aqqında «24» haber telekanalında «Qırım.Aqiqat» yayınınıñ yañı bölüginde.
Studiya musafirleri – Qırım Strategik tedqiqler İnstitutınıñ koordinatorı Arsen Jumadilov ve Qırım siyasiy közeticisi Pavel Kazarin.
Programma cumaertesi künü saat 18:30 (Aqmescit vaqtı boyunca saat 19:30) ve bazar künü saat 11:30 (Aqmescit vaqtı boyunca saat 12:30) efirge çıqa.
Azatlıq Radiosı ve Qırım.Aqiqat saytlarında ise saat 18:30 (Aqmescit vaqtı boyunca saat 19:30) peyda olacaq.
Azatlıq Radiosınıñ yañı leyhası – işğal etilgen Qırım vaziyetini bilmege istegen insanlar içün azırlandı.
