Link açıqlığı

Saatnıñ esas haberi

Qazanda qırımtatarlarnıñ tarihı ve urf-adetleri aqqında tarif etecekler


Dekabr 9-da Tataristan Cumhuriyetiniñ paytahtında Qazan kremliniñ sergi zallarında qırımtatarlarnıñ ananeleri, urf-adetleri ve tarihına dair sergi açılacaq. Bunı Bağçasaray tarihiy-medeniy qoruğınıñ müdiri Elmira Ablâlimova Qırım.Aqiqat saytına bildirdi.

«Serginiñ adı «Qırım defineleridir», – dedi müdir. – Sergide urf-adet ve tarihnen bağlı müzey eksponatları ve qırımtatar halqınıñ quyum sanatını aks ettirgen şeyler numayış etilecek». Sergi 2015 senesi fevral ayına qadar devam etecek.

Al-azırda Qazan kremlinde türk aleminiñ maarifçisi İsmail Gasprinskiyge bağışlanğan sergi açıq. Sergide Bağçasaray tarihiy-medeniy qoruq fondları, Qazan müzeyleriniñ eksponatları taqdim etilgen. 2014 senesi UNESCO tarafından İsmail Gasprinskiyniñ yılı olaraq ilân etildi.

XS
SM
MD
LG