Link açıqlığı

Poloniya Ukraina vatandaşlarına eki yıllıq turistik vizalarnı berip, küçük sıñır areketini kenişletecek.

Bunı Ukrainanıñ Poloniyadaki elçisi Andriy Deşçitsa Twitterde yazdı.

«Ukraina Poloniya mesleatlarınıñ neticesi: Poloniya eki yıllıq turistik vizalarnı berecek, küçük sıñır areketini 50+ qadar kenişletecekmiz, muzakerelerge başlaymız», – dep yazdı Deşçitsa.

Qırım.Aqiqat saytı bildirgenine köre, oktâbr 13-te Ukraina prezidenti Petro Poroşenko Poloniya Cumhuriyetinde Ukrainanıñ fevqulâde ve vekâletli elçisi vazifesine Andriy Deşçitsanı tayinledi.

Ukraina prezidenti memuriyetiniñ reis muavini Valeriy Çalıy Poloniya Cumhuriyetiniñ prezident Kâtibiyetiniñ Devlet kâtip muavini Yaromir Sokolovskiy ile körüşken edi. Olar Ukraina ve Poloniya arasında eki taraflı munasebetlerniñ müsbet inkişafına qoltutqanlarını bildirdiler.

Poloniya prezidenti Kâtibiyetiniñ Devlet kâtip muavini Poloniya reberligi Ukrainağa destek olğanını ayttı. Onıñ bildirgenine köre, Poloniya ileride de Ukrainağa havfsızlıq, iqtisadiyat ve gumanitar telükelerde yardımcı olmağa azır.

XS
SM
MD
LG