Link açıqlığı

«Ukrainskiy vıbor» Cemaat areketiniñ lideri, Ukraina prezidenti memuriyetiniñ sabıq reisi Viktor Medvedçuk ara-sıra Rusiye tarafından işğal etilgen Qırımğa barıp kele.

Bunı Qırım areketiniñ Koordinatsion şurasınıñ sabıq reisi Yevgeniy Suprunük dekabr 5-te Aqmescitte olıp keçken matbuat konferentsiyasında aydınlattı, – dep haber ete Qırım.Aqiqat.

«E, Qırımda ola (Medvedçuk – muarrir), yahşı. Unutmay. Onı Ukrainada üküm sürgen vaziyet raatsızlay», – mühbirniñ sualine cevap berip, dedi Suprunük.

Qırım areketiniñ Koordinatsion şurasınıñ sabıq reisi «Ukrainskiy vıbor» lideri Medvedçuk ile dostane munasebetlerde olğanını bildirdi.

Malüm ki, Alupka civarında (Büyük Yalta) deñizniñ yanında Ukraina prezidenti memuriyeti sabıq reisiniñ büyük bir evi yerleşe. Eki sene evelsi Medvedçuk aynı bu evde Rusiye prezidenti Vladimir Putinni musafir etken edi.

2014 senesi fevralniñ soñunda, martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG