Link açıqlığı

Qırımnıñ din teşkilâtlarını Moskvağa teşkerüvge yollamaları mümkün


İşğal etilgen Qırımnıñ «ananeviy dinlerge» has olmağan din teşkilâtları qayd etilgende Rusiye adalet nazirliginde teşkerilecek.

Bunı cumhuriyet medeniyet nazirliginiñ din ve milliy-medeniy cemiyetler işleri boyunca bölük reisi Aleksandr Selevko dekabr 5-te Qırım «Devlet şurasınıñ» medeniyet ve medeniy miras qoruma komitetiniñ toplaşuvında bildirdi, – dep haber ete Krıminform.

Selevkonıñ qayd etkenine köre, teşkerüvni Rusiye adalet nazirligi keçirecek, çünki Qırımda din mütehassısları yoq.

2014 senesi fevralniñ soñunda, martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG