İşğal etilgen Qırımda yerli sakinni köteklegen «politsiya» hadimini işten boşata bileler. Cuma künü, dekabr 5-te, Qırımnıñ öz başına ilân etilgen ükümetiniñ «ruporı» Krıminform bergen malümatına köre, Seyitler rayonınıñ «politsiya» bölüginiñ vekâletli hadimi köy eglenceni ziyaret etken adamğa zarar köstergeni içün işten boaşıtıla bile.
Qırım «politsiyasınıñ» malümatına köre, Seyitler rayonı boyunca İçki işler nazirliginiñ bölügine kelgen malümatqa binaen, politsiya hadimi köy eglencesinde raatlanıp, 30 yaşında yerli sakin ile qavğa etip, onı urdı. O vaqıt politsiya hadimi işte degil edi.
«Vaqiadan sebep teşkerüv teşkerile, bu hadimniñ işke devam etkeni aqqında mesele baqıla», – dep bildirildi.
Berilgen malümatqa köre, «toplanğan malümat taqiqat organlarına yollanılacaq, hadimniñ reberleri ise nizam mesülietine çekilecek».
Qırım.Aqiqat saytınıñ bildirgenine köre, 30 yaşında qırımlı İlyas Abiyev uquq qoruycı tarafından zarar kördi. Erkekniñ burnu sınıq, bunıñ ile miy sarsuvı de qayd etilgen. Şaatlarnıñ aytqanına köre, erkekni eki kişi kötekledi.
