2015 senesi Qırım demir yolu federal bücetten 7,5 mlrd. ruble alması mümkün. Bunı Qırım transport «naziri» Anatoliy Tsurkin bildirdi, – dep haber ete TASS.
Onıñ aytqanına köre, sermiya 12 biñ hadim ve tamir işlerine ayırıla.
«Rusiye ükümeti kelecek senege 7,5 mlrd. rublelik maddiy yardımğa qoltutıp, 4 mlrd rubleni hadimlerniñ aylığına, 3,5 mlrd rubleni ise tehnikiy inşaatlarnıñ qurucılığı ve tamirine ayırmağa qarar berdi», – dedi Tsurkin.
Rusiye ükümeti 2014 senesi Qırım demir yoluna 3,3 mlrd. ruble ayırğan edi.
«Qırım demir yolu» devlet müessisesi 2014 senesi mart ayında Qırım «Devlet şurasınıñ» qararınen meydanğa ketirildi. Müessise idaresine yarımadada demir yol naqliyat vastalarınıñ işini temin etken müessise ve teşkilâtlarnıñ mal-mülki berildi.
