Ukrainada milliy mahkemeni meydanğa ketirmek kerek. Bunı cuma künü, dekabr 5-te, Ukraina havfsızlıq hızmetiniñ reisi Valentin Nalivayçenko «Nebesnaya sotnâ» aileleriniñ azalarınen körüşip ayttı, – dep haber ete Ukrinform.
«Maydan iştirakçilerine qarşı planlaştırılğan ve yapılğan ve şimdige qadar Ukraina şarqında devam etken cinayetlerni taqiq etmek içün qanun seviyesinde milliy tribunal meydanğa ketirilmeli», – dedi Nalivayçenko.
Onıñ aytqanına köre, bunıñ içün Ukraina cinaiy protsessual kodeksi ve diger qanunlarğa deñişmeler kirsetilmek kerek.
UHH qayd etkenine köre, böyle bir adım vatandaşlar ve devletke qarşı yapılğan cinayetlerni yekâne mahkeme taqiqatına birleştirmege yardım eter edi.
