Link açıqlığı

Qırımtatarlar insan aqları künü munasebetinen miting keçirmek yasaq etilgeninden sebep piket azırlaylar


Aqmescit akimiyeti yıl-yıldan dekabr 10-da qayd etilgen İnsan aqlarını qoruv künü munasebetinen bir de bir miting keçirilmesini yasaq etti. Bundan sebep faaller Qırım paytahtında narazılıq piketini ötkerecek olalar.

Bunı Qırımtatar halqı aqlarını qoruv komitetiniñ reisi Eskender Bariyev dekabr 5-te Aqmescitte keçirilgen matbuat konferentsiyasında bildirdi, dep haber ete Qırım.Aqiqat.

«Bizler Rusiye Federatsiyasınıñ qanunına köre şeer şurasına muracaat ettik, lâkin belli olmağan sebeplerden yerli akimiyet tedbir keçirilmesine izin bermey. Bu arada, bizler onı er kün bir de bir tedbir keçirilgen binada yapacaq olamız. Öyle bir fikirimiz bar ki, Qırımda ve, belki de, bütün Rusiye Federatsiyasında halqara insan aqları kününi qayd etmege istemeyler», – dedi Bariyev.

Bundan sebep, Qırımtatar halqı aqlarını qoruv komiteti dekabr 10-da Aqmescitteki merkeziy meydanda piket ötkerecek ola. Bariyevniñ qayd etkenine köre, bu tedbir Rusiye Federatsiyasınıñ Anayasası bile bergen aqlarnı körmemezlikke urğanlarına narazılıq olacaqtır.

XS
SM
MD
LG