Link açıqlığı

Çeçenistan başı Ramzan Kadırov Groznıy soqaqalırnda tınçlıq olğanına işandıra. Bu aqta o Instagram saifesinde yazdı.

«Groznıy gece vaqialarından soñ nasıl yaşağanı ile meraqlana edim. Şunı aytmağa aşıqam ki, Çeçenistan paytahtında adetiy yaşayış devam etmekte. Soqaqlarda, daima olğanı kibi, tınçlıq üküm süre, qalabalıq, kerginlik yoq. Merkezniñ sakinleri içün bu gece yuqusız keçkenini añlayım», – dep yazdı Kadırov.

Çeçenistan başı Ramzan Kadırov Groznıу merkezinde binalarğa ücüm etken boyeviklerge qarşı teşkil etilgen mahsus ameliyatnıñ yekünlenmesi aqqında bildirdi. Onıñ sözlerine köre, 10 boyevik öldürildi. Resmiy malümatqa köre, uquq qorçalayıcılardan 10 insan elâk oldı, 28 yaralandı. Bir sakinniñ ölümi aqqında da aytıla.

Rusiye Taqiqat komiteti Groznıy şeerinde politsiya hadimlerine etilgen ücüm sebebinden cinaiy iş açtı.

XS
SM
MD
LG