Link açıqlığı

Saatnıñ esas haberi

Groznıy şeerinde yüz bergen adiseler boyunca cinaiy iş açıldı


Groznıy şeerinde politsiya hadimlerine etilgen ücüm sebebinden cinaiy iş açıldı. Bunı Rusiye Taqiqat komitetiniñ resmiy vekili Vladimir Markin bildirdi, dep haber ete TASS.

«Şimaliy-Kavkaz federal okrugı boyunca Taqiqat komitetiniñ Baş taqiqat idaresi tarafından RF CK 317, 208, 222 maddelerine köre (uquq qoruycı organlar hadimleriniñ ayatına zarar ketirilmesi, qanunsız silâlı teşkilâtnıñ meydanğa ketirilmesi ya da onda iştirak etmesi ve silânıñ qanunsız qullanuvı) cinaiy iş açıldı», – dey Markin.

Onıñ sözlerine köre, cinaiy işniñ taqiqat içün mahsus taqımnı teşkil ettiler, mında 50-den ziyade taqiqatçı kirdi.

Cumaaqşamına keçer gecesi saat 1:00 Çeçenistan paytahtında üç maşina vastası ile areket etken silâlı insanlarnıñ taqımı yol-patrul hızmetiniñ noqtasına ucm etti. GİBDD hadimleri şübeli maşinanı toqtatmağa tırıştı. Boyevik ve politsiya hadimleri arasında atışma yüz berdi. Silâlı insanlar taqımı cumhuriyet gazetaları, internet-neşirleri ve fedearl matbuat vastalarınıñ temsilcilikleri yerleşken Matbuat evini zapt etti. Şaatlarnıñ aytqanı kibi, Rusiye silâlı quvetleriniñ hadimleri bir qaç saat devamında binanı boşatmağa çalıştı, ağır tehnika qullanıldı, bina bütünley yandı. İşbu areketler sebebinden mesülietni kendine Şimaliy-Kavkaz boyevikleriniñ lideri Doku Umarov tarafından teşkil etilgen «İmarat Kavkaz» taqımı aldı.

Çeçenistan başı Ramzan Kadırov Groznıу merkezinde binalarğa ücüm etken boyeviklerge qarşı teşkil etilgen mahsus ameliyatnıñ yekünlenmesi aqqında bildirdi. Onıñ sözlerine köre, 10 boyevik öldürildi. Resmiy malümatqa köre, uquq qorçalayıcılardan 10 insan elâk oldı, 28 yaralandı. Bir sakinniñ ölümi aqqında da aytıla.

XS
SM
MD
LG