Keriç parom keçitinde dekabr 5 künü, saba, paromlar adiy şekilde çalışa, amma nevbette turğan maşinalarnıñ sayısı büyüktir.
Bu aqta Yekâne naqliyat müdirliginiñ matbuat hızmetiniñ beyanatında aytıla.
Soñki malümatqa köre, «Kavkaz» limanında paromnı 10 yengil ve 190 yük maşinası, «Krım» limanında – 5 yengil ve 6 yük maşinası bekley.
«Novorossiysk» limanında yük yolağında – 170, Slavânsk-na-Kubani limanında – 390, Keriç ava limanında – 165 maşina tura.
«Şimdilik Keriç keçitinde ava şaraitleri güzel, yel suratı 6-11 m/s. Paromlar çalışa», – deyler müessisede.
Müdirlikniñ malümatına köre, keçken kün devamında 1800 maşina ve 5150 yolcu avuştırıldı.
