Link açıqlığı

«Aqmescit» ava limanında üç yüz insan buluna.

Qırım.Aqiqatqa yolculardan biri añlatqanı kibi, insanlar «D» terminalında tünevinden berli bulunalar.

«Ne olğanını bilmege isteseñiz, kelip baqıñız»,– dedi adam ve er kes pek eyecanlı olğanını bildirdi.

Ava limanında olğan vaziyet aqqında qırım adliyecisi ve cemaat erbabı Violeta Sineglazova öz Facebook saifesinde tafsilâtlıca yazdı

«Tünevin Qırımdan 300 insan çıqıp olamadı. Olarnıñ arasında küçük balalar ve saqatlar. Diger avaşirketleri insanlarnı qabul etmege razı olmadı. İnsanlar bütün gece ava limanında oturdılar. Ve kimse olarnı tüşünmey bile»,– yazdı o.

Aynı zamanda ava limanınıñ saytında berilgen telefon nomeraları boyunca Qırım.Aqiqatqa bu malümatnı tasdiqlamadılar. «Bizde böyle malümat yoq»,– dep, trubkanı qoydılar.

Evel qayd etilgeni kibi, Kiyevniñ memuriy mahkemesi «Aeroflot» Rusiye aviaşirketinden işğal etilgen Qırımğa etilgen uçuşlar sebebinden 7,8 mln grn ödetti.

XS
SM
MD
LG