Link açıqlığı

Cuma künü, dekabr 5-de, Kiyevde Qırım ve Şarqiy Ukrainadan köçip kelgenlerniñ ekinci bütün ukrain forumı keçe.

İşğal etilgen Qırımdan köçip kelgenlerniñ meseleleri ile oğraşqan Qırım diasporası cemaat teşkilâtı qayd etkeni kibi, forum bütün dünya göñüllilerniñ kününe ve Budapeşt memorandumı imzalanuvınıñ 20 yıllığına bağışlana.

Forumda mecburen köçip kelgen insanlar ve toplu yaşav yerlerniñ idarecileri, cemaat ve halqara teşkilâtlarınıñ fallileri, uquq qoruyıcı ve göñülliler, devlet tertibat ve yerli idare organlarınıñ vekilleri, Ukraina halq deputatları, jurnalistler ve digerleri iştirak etecek.

Tedbir çerçivesinde köçip kelgenlerge muvafaqiyetli milliy ve regional yardım leyhalarınıñ numayışı olıp keçecektir.

Birinci bütün ükrain forum Kiyevde mayıs ayında keçirilgen edi. O vaqıt mında esasen Qırımdan köçip kelgenler iştirak etti.

2014 senesi fevralniñ soñunda, martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG